किरणलाई 'फ्यान्स प्लेयर अफ दि सिजन' अवार्ड

काठमाडौं । नेपाली राष्ट्रिय फुटबल टिमका गोलकिपर तथा कप्तान किरण चेम्जोङले 'फ्यान्स प्लेयर अफ दि सिजन' अवार्ड जितेका छन् ।

भारतको शीर्ष डिभिजन लिग हिरो आईलिगले बिहीबार चेम्जोङले 'फ्यान्स प्लेयर अफ दि सिजन' अवार्ड प्राप्त गरेको जनाएको छ ।

यस अघि चेम्जोङले 'आईलिग फ्यान अफ दि सिजन' अवार्ड जितेका थिए ।

किरणले पन्जाब एफसीबाट आईलिग खेलेका थिए । उनले १४ खेलमा ७ क्लिन सिट हात पारेका थिए । यस्तै किरणले विपक्षीको ५६ सट रोकेका थिए ।

किरण आईलिगको उत्कृष्ट गोलकिपर समेत चुनिएका थिए ।

उत्कृष्ट गोलकिपर बनेसँगै उनले २ लाख ५० हजार प्राप्त गरेका थिए ।

आईलिगको उपाधि भने गोकुलम केरेलाले जितेको थियो ।