मछिन्द्रको मुख्य प्रशिक्षकमा प्रवेशकै निरन्तरता

काठमाडौं । सहिद स्मारक 'ए' डिभिजन लिग क्लब मछिन्द्र फुटबल क्लबले टिमको मुख्य प्रशिक्षकमा प्रवेश कटवाललाई निरन्तरता दिएको छ ।

साविक विजेता मछिन्द्रले बिहीबार मुख्य प्रशिक्षक कटवालले क्लबसँगको सम्झौता नवीकरण गरेको जनाएको छ ।

नयाँ सिजनको लिगका लागि मछिन्द्रले कटवाललाई टिम हेर्ने जिम्मेवारी दिएको हो ।

'ए' डिभिजन लिग कात्तिक २९ बाट सुरु हुनेछ । 

प्रशिक्षक कटवालले मछिन्द्रलाई पहिलो पटक 'ए' डिभिजन लिगको उपाधि दिलाएका थिए ।

अघिल्लो सिजन कटवाल उत्कृष्ट प्रशिक्षक चुनिएका थिए ।