स्टुअर्टले भारतविरुद्धको बाँकी खेल गुमाउने

काठमाडौं । इंग्ल्यान्डका फास्ट बलर स्टुअर्ट ब्रोडले भारतविरुद्धको टेस्ट सिरिज अन्तर्गत बाँकी खेल गुमाउने भएका छन् ।

चोटको कारण स्टुअर्टले सिरिजका बाँकी खेल गुमाउने भएका हुन् । स्टुअर्टले दाहिने खुट्टाको पिडुलाको चोट बोकेको बताईएको छ ।

इंग्ल्यान्डले स्टुअर्टको स्थानमा सकिब महमुदलाई टिममा बोलाएको छ ।

इंग्ल्यान्डले भारतसँग पाँच खेलको टेस्ट सिरिज खेलिरहेको छ । पहिलो टेस्ट बराबरीमा सकिएको थियो ।

दोस्रो टेस्ट लर्ड्समा बिहीबारबाट सुरु हुँदैछ ।