एजेन्सी । पेरिस सेन्ट जर्मेन (पीएसजी)का अध्यक्ष नासिर अल खालिफाले केलियम एम्बाप्पे क्लबमै बस्ने दाबी गरेका छन् ।
विश्व फुटबलका उत्कृष्ट फरवार्ड लियोनल मेस्सीलाई पीएसजीमा अनुबन्ध गर्न सफल भएका खालिफाले नयाँ सिजन एम्बाप्पे क्लबमै रहने बताएका हुन् ।
फ्रान्सेली फरवार्ड समर ट्रान्सफरमा क्लब छोड्ने चर्चा छ । पीएसजीसंग एक वर्षको सम्झौता मात्र बाँकी रहेका एम्बाप्पे रियल मड्रिडसंग जोडिएका छन् ।
खालिफाले समर ट्रान्सफरमा एम्बाप्पेले पेरिस छाड्ने चर्चाको खण्डन गरेका छन् । उनले एम्बाप्पे पीएसजीको खेलाडी रहेको बताए । लियोनल मेस्सीलाई बार्सिलोनाबाट अनुबन्ध गरेको पीएसजी नयाँ सिजन आक्रमक हुने देखिएको छ ।
मेस्सीको पहिलो पत्रकार सम्मेलनमा उपस्थित भएका खालिफाले एम्बाप्पेको अवस्थाको विषयमा जानकारी दिएका हुन् ।
‘सबैलाई एम्बाप्पेको भविष्यबारे थाहा छ । उनी पीएसजीका खेलाडी हुन् । उनी निकै प्रतिस्पर्धात्मक छन् । उनी जित्न चाहन्छन् । उनले सार्वजनीक रुपमा पीएसजीमा बस्न चाहेको बताएका छन् । अन्य कुनै कसरतको अर्थ छैन । एम्बाप्पे यहीँ बस्नेछन् ।’ उनले भने ।
मेस्सीले भर्खरै पीएसजीसंग दुई वर्षको सम्झौता गरेका छन् । उनले साप्ताहिक १ मिलियन पाउण्ड तलब सहित पीएसजीसंग जोडिएका हुन् । उनले नेयमार र एम्बाप्पेसंग आफु खेल्न उत्सुक रहेको बताएका थिए । उनले दुवै खेलाडीलाई उत्कृष्ट खेलाडीको रुपमा ब्याख्या गरे ।
‘उनीहरु जस्ता खेलाडीसंग खेल्न पाउनु निकैनै राम्रो हो । म उनीहरुसंग अभ्यास गर्न उत्सुक छु । यो दैनिक रुपमा गर्नु साच्चिकै महान हुनेछ ।’ उनले थपे ।
-1751975074.jpeg)
