कुशलको वरीयता यथावत, ज्ञानेन्द्रको सुधार
काठमाडौं । आईसीसीको टी-ट्वान्टी वरीयतामा नेपालका चार खेलाडी परेका छन् ।
अन्तर्राष्ट्रिय क्रिकेट परिषद (आईसिसी) ले अपडेट गरेको टी-ट्वान्टीको नयाँ वरीयतामा नेपालका चार खेलाडी अटाएका छन् ।
नयाँ वरीयता अनुसार नेपालका युवा खेलाडी कुशल भुर्तेलको वरीयता यथावत रहेको छ ।
ब्याटिङ वरीयतामा कुशल ६० औं स्थानमा रहेका छन् । यस अघि उनी ६० औं स्थानमै रहेका थिए ।
नेपालका पूर्व कप्तान पारस खड्काको वरीयता सुधार भएको छ ।
पारस ९० औं स्थानमा उक्लिएका छन् । तर, पारसले अन्तराष्ट्रिय क्रिकेटबाट सन्यास घोषणा गरिसकेका छन् ।
यस्तै कप्तान ज्ञानेन्द्र मल्ल ९४ औं स्थानमा उक्लिएका छन् ।
बलिङ वरीयतामा नेपालका सन्दीप लामिछाने ७७ औं स्थानमा रहेका छन् ।
नेपालको टी-ट्वान्टी र एकदिवसीय वरीयता भने यथावत रहेको छ ।
टी-ट्वान्टीतर्फको नयाँ वरीयतामा नेपाल १२ औं स्थानमा रहेको छ ।
नेपाल एकदिवसीय वरीयताको १६ औं स्थानमै रहेको छ ।
