मोइन अली इंग्ल्यान्डको टेस्ट टिममा

काठमाडौं । इंग्ल्यान्डले अलराउण्डर मोइन अलीलाई भारतविरुद्धको दोस्रो टेस्टका लागि टिममा बोलाएको छ ।

इंग्ल्यान्डले लर्ड्समा बिहीबारबाट सुरु हुने दोस्रो टेस्टका लागि अलीलाई टिममा बोलाएको हो ।

अली यस अघि भारतविरुद्धको टेस्ट टिममा रहेका थिएनन् ।

इंग्ल्यान्डले भारतसँग पाँच खेलको टेस्ट सिरिज खेलिरहेको छ ।

पहिलो टेस्ट बराबरीमा सकिएको थियो ।

इंग्ल्यान्डले बेन स्टोक्स र क्रिस वोक्स नहुँदा अलीलाई विकल्पको रुपमा हेरेको छ ।