अफगानिस्तानको बलिङ प्रशिक्षकमा शान

एजेन्सी । अष्ट्रेलियाका पूर्व बलर शान टेटअफगानिस्तान क्रिकेट टिमको बलिङ प्रशिक्षक नियुक्त भएका छन् ।

अफगानिस्तान क्रिकेट बोर्डले सोमबार पूर्व फास्ट बलर शानलाई बलिङ प्रशिक्षक नियुक्त गरिएको जनाएको छ ।

३८ वर्षीय पूर्व बलर शान क्रिकेट इतिहासकै सर्वाधिक तीव्र गतिका बलर मध्ये एक हुन् ।

शानले अष्ट्रेलियाका लागि ३५ एकदिवसीय र २१ टी-ट्वान्टी खेलेका थिए ।

यस्तै उनले तीन टेस्ट खेलेका थिए ।

अष्ट्रेलियाले सन् २००७ को एकदिवसीय विश्वकप जित्दा शान टिममा रहेका थिए । जहाँ उनले २३ विकेट लिएका थिए ।

शान क्रिकेट अष्ट्रेलियाको लेभेल-२ प्राप्त प्रशिक्षक हुन् ।