क्रिकेट टिमको फिटनेस ट्रेनरमा राकेश

काठमाडौं । नेपाली राष्ट्रिय क्रिकेट टिमको फिटनेस ट्रेनरमा भारतका राकेश कुमार काशिभाई गोहिल नियुक्त भएका छन् ।

नेपाल क्रिकेट संघ (क्यान) ले आइतबार राकेशलाई फिटनेस ट्रेनरमा नियुक्त गरिएको जनाएको छ ।

क्यानले आवेदन दिएका ३८ जनाबाट राकेशलाई छनोट गरेको हो ।

क्यानले गत असार ३० गते फिटनेस ट्रेनरको लागि दरखास्त आह्वान गरेको थियो ।

फिटनेस प्रशिक्षक राकेश अष्ट्रेलियाबाट लेभल-२ कोर्स उत्तीर्ण फिटनेस प्रशिक्षक हुन् ।

राकेशसँग भारतको नेसनल एकेडेमी र रणजी ट्रफ्री खेल्ने टिमसँग काम गरेको अनुभव रहेको छ ।

राकेश नेपाली टिमसँग सामेल भईसकेका छन् ।

नेपाली टोलीले आईसीसी विश्वकप क्रिकेट लिग–२ अन्तर्गत ओमान र अमेरिकासँगको त्रिकोणात्मक एकदिवसीय सिरिजका लागि प्रशिक्षण गरिरहेको छ  ।

क्यानले १९ खेलाडीलाई बन्द प्रशिक्षणका लागि बोलाएको छ ।