न्युजिल्याण्डले १८ वर्षपछि पाकिस्तानको भ्रमण गर्ने

एजेन्सी । न्युजिल्याण्ड क्रिकेट टिमले पाकिस्तानको भ्रमण गर्ने भएको छ ।

पाकिस्तान क्रिकेट बोर्डले आगामी सेप्टेम्बर र अक्टोबरमा न्युजिल्याण्डको टिम भ्रमणमा आउने जनाएको छ ।

न्युजिल्याण्डले १८ वर्षपछि पाकिस्तानको भ्रमण गर्न लागेको हो । पछिल्लो पटक न्युजिल्याण्डले २००३ मा पाकिस्तानको भ्रमण गरेको थियो ।

न्युजिल्याण्डले भ्रमण दौरान घरेलु टिमसँग एकदिवसीय र टी-ट्वान्टी सिरिज खेल्नेछ ।

दुई टिमबीच तीन खेलको एकदिवसीय र पाँच खेलको टी-ट्वान्टी सिरिज हुनेछ ।

रावलपिन्डीस्थित पिन्डी क्रिकेट मैदानमा हुने एकदिवसीय सिरिज सेप्टेम्बर १७ देखि २१ सेप्टेम्बरसम्म हुनेछ ।

यस्तै लाहोरको गद्दाफी स्टेडियममा हुने टी-ट्वान्टी सिरिज २५ सेप्टेम्बर देखि ३ अक्टोबरसम्म चल्नेछ ।