पाकिस्तान र वेस्ट इन्डिजबीचको तेस्रो खेल रद्द

एजेन्सी । घरेलु टोली वेस्ट इन्डिज र पाकिस्तानबीचको तेस्रो टी-ट्वान्टी क्रिकेट नतिजा विहीन सकिएको छ ।

गुएनामा आइतबार राति भारी वर्षाको कारण तेस्रो टी-ट्वान्टी नतिजा विहीन सकिएको हो ।

वर्षाले खेल प्रभावित गर्नु अघि वेस्ट इन्डिजले १ ओभर २ बलमा बिना विकेटको क्षतिमा १५ रन जोडेको थियो ।

तेस्रो खेल रद्द भएसँगै ४ खेलको सिरिजमा पाकिस्तान १-० ले अघि रहेको छ । दुई टिमबीचको अन्तिम टी-ट्वान्टी मंगलबार हुनेछ ।

यस अघि पहिलो खेल वर्षाकै कारण रद्द भएको थियो । दोस्रो खेल भने पाकिस्तानले वेस्ट इन्डिजलाई ७ रनले पराजित गरेको थियो ।