पाकिस्तान र अफगानिस्तानबीचको सिरिज युएईबाट श्रीलंका सर्यो

एजेन्सी । युएईमा तय भएको पाकिस्तान र अफगानिस्तानबीचको एकदिवसीय क्रिकेट सिरिज श्रीलंकामा सरेको छ।

पाकिस्तान र अफगानिस्तानबीचको तीन खेलको सिरिज सेप्टेम्बरको पहिलो साता युएईमा तय भएको थियो।

तर, ईन्डियन प्रिमियर लिग क्रिकेट (आईपीएल) टी-ट्वान्टी क्रिकेटको कारण दुई टिमबीचको सिरिज श्रीलंका सरेको हो। कोरोनाले स्थगित भएको आईपीएलको बाँकी खेलहरु युएईमा आयोजना हुनेछ।

अब पाकिस्तान र अफगानिस्तानबीचको सिरिज श्रीलंकाको महिन्दा राजपाक्षे क्रिकेट स्टेडियममा हुनेछ।

पाकिस्तान र अफगानिस्तानबीच अहिलेसम्म दुई देशीय सिरिज भएको छैन।

दुई टिमबीच पहिलो पटक सिरिज आयोजना हुन लागेको हो।

तर, आईसीसी र एसीसीको प्रतियोगितामा भने दुई टिमबीच खेल भएको छ।