दक्षिण अफ्रीकालाई टी-ट्वान्टी सिरिज

एजेन्सी । दक्षिण अफ्रीकाले घरेलु टोली आयरल्याण्डविरुद्धको तीन खेलको टी-ट्वान्टी क्रिकेट सिरिज जितेको छ ।

डुब्लिनमा बिहीबार राति भएको दोस्रो टी-ट्वान्टीमा ४२ रनको जित निकाल्दै दक्षिण अफ्रीकाले एक खेल अगाबै सिरिज २-० ले आफ्नो बनाएको हो ।

यस जितसँगै तीन खेलको टी-ट्वान्टी सिरिजमा दक्षिण अफ्रीकाले २-० को अग्रता समेत बनाएको छ । पहिलो खेलमा दक्षिण अफ्रीकाले आयरल्याण्डलाई ३३ रनले हराएको थियो ।

दक्षिण अफ्रीकाले दिएको १ सय ६० रनको लक्ष्यसहित जवाफी ब्याटिङ गरेको आयरल्याण्डले १९ ओभर ३ बलमा अलआउट हुँदै १ सय १७ रन मात्र बनाउन सक्यो ।

आयरल्याण्डका शान गेट्काटेले सर्वाधिक २४ रन बनाए । जर्ज डोक्रेलले २० रन जोड्दा पाउल स्ट्रर्लिङले १९ रन बनाए । मार्क एडिअरले अविजित १५ रन जोड्दा लोर्कन टुकर १२ रनमा आउट भए ।