सन्दीपले 'द हन्ड्रेड' गुमाउन सक्ने
काठमाडौं । नेपाली राष्ट्रिय क्रिकेट टिमका लेग स्पिनर सन्दीप लामिछानेले इंग्ल्यान्डमा आयोजना हुने द हन्ड्रेड क्रिकेट प्रतियोगिताको सुरुवाती खेल गुमाउने भएका छन् ।
भिसाको कारण ओभल इन्भिन्सिबलमा आबद्द सन्दीपले द हन्ड्रेडको सुरुवाती खेल गुमाउने क्रिकइन्फोले जनाएको छ ।
क्रिकइन्फोले भिसा समस्याको कारण उनले प्रतियोगिता नै गुमाउने सम्भावना रहेको समेत जनाएको छ ।
सन्दीपले टिएर ५ भिसा पाएपनि प्रतियोगिता खेलको लागि अनुमति नपाएको बताईएको छ ।
इन्भिन्सिबलका कप्तान साम विलिङ्सले सन्दीप खेल्ने नखेल्ने अनिश्चित रहेको बताएका छन् ।
तर, सन्दीप इन्भिन्सिबलले भने यस विषयमा केहि बताएको छैन।
क्रिकइन्फोको अनुसार सन्दीपले प्रतियोगिता खेल्न नपाएमा उनको स्थानमा दक्षिण अफ्रिकी बलर ताब्रेज शाम्सीलाई अनुबन्ध गर्ने तयारी गरेको छ ।
सन्दीप पहिलो संस्करणको प्रतियोगिताका लागि इंग्ल्यान्ड पुगिसकेका छन् । उनको क्वारेन्टिन अवधि आज सकिदैछ ।
१०० बलको हुने प्रतियोगिता बिहीबारबाट सुरु हुने तालिका रहेको छ ।
पहिलो खेलमा सन्दीप आबद्द इन्भिन्सिबल र म्यानचेस्टर ओरिजिनल्सबीच खेल हुनेछ ।
भिसाकै कारण सन्दीपले यस अघि भाइटालिटी टी-ट्वान्टी ब्लास्ट क्रिकेट गुमाएका थिए ।
त्यस प्रतियोगिताका लागि सन्दीप वोर्सेस्टरशायर र्यापिड्समा अनुबन्धित भएका थिए ।
