बंगबन्धुमा बंगलादेशको विजयी सुरुवात

काठमाडौं । बंगलादेशमा सोमबार सुरु बंगबन्धु गोल्डकप फुटबलमा आयोजकले विजयी सुरुवात गरेको छ । उद्घाटन खेलमा आयोजक बंगलादेशले लाओसलाई १–० ले पराजित गरेको हो ।

बंगलादेशको जितमा बिप्लो अहमेदले विजयी गोल गरे । उनले खेलको ६० औ मिनेटमा सो गोल गरेका थिए ।

जितपछि समुह बीमा रहेको बंगलादेशले ३ अंक जोडेको छ । फिलिपिन्स र लाओस अंक विहिन छन् । समुहका शीर्ष दुई टोली अघिल्लो चरण प्रवेश गर्नेछन् ।

नेपालले गत महिना भएको साफ च्याम्पियनसिपमा बंगलादेशलाई समुह चरणको खेलमा पराजित गरेको थियो ।