एजेन्सी । १६ औं संस्करणको युरोकप फुटबलको उपाधि इटालीले जित्यो ।
आइतबार राति घरेलु टिम इंग्ल्यान्डलाई पेनाल्टी सुटआउटमा ३-२ ले हराएर इटाली च्याम्पियन बनेको हो ।
इटालीले दोस्रो पटक युरोकपको उपाधि जितेको हो ।
इटालीलाई दोस्रो युरो जिताउन लियोनार्दो बोनुची नायक बनेका थिए ।
३४ वर्षीय डिफेन्डरकै गोलको कारण इटाली खेलमा फर्किएको थियो ।
पहिलो हाफमा लुक शले गोल गर्दै इंग्ल्यान्डलाई अग्रता दिलाएका थिए । तर, दोस्रो हाफमा बोनुचीले गोल गर्दै इटालीलाई खेलमा फर्काएका थिए ।
त्यसपछि निर्धारित र अतिरिक्त समय १-१ को बराबरीमा भएपछि खेल पेनाल्टीमा गएको थियो ।
फाइनलमा नायक बनेका बोनुचीले यस सफलता श्रेय प्रशिक्षक र टिमलाई दिए ।
'ऐतिहासिक लक्ष्य र सपना साकार भएको छ र यसको श्रेय प्रशिक्षक र सम्पूर्ण टोलीलाई जान्छ,' उनले भने ।
उनले विश्वास र एकताको कारण यस सफलता हात पारेको समेत बताए ।
'जब हामी सार्डिनियामा भेला भयौं त्यहाँ विगतको तुलनामा केही फरक थियो,' उनले भने, 'हामीले बिस्तारै विश्वास, निश्चितता, एकता प्राप्त गर्यौं । जसले हामीलाई लिजेण्ड बनायो ।'
इंग्ल्यान्डमाथिको जितसँगै इटालीको अपराजित यात्रा ३४ खेलसम्म पुगेको छ ।
-1752288200.webp)
