दक्षिण अफ्रीका र आयरल्याण्डबीचको खेल रद्द  

एजेन्सी । दक्षिण अफ्रीका र आयरल्याण्डबीचको पहिलो एकदिवसीय क्रिकेट नतिजा विहीन सकिएको छ ।

आयरल्याण्डको डुब्लिनमा आइतबार राति वर्षाको कारण खेल नतिजा विहीन सकिएको हो ।

आयरल्याण्डले ब्याटिङ गरिरहदा खेल पटक पटक वर्षाले रोकिएको थियो ।

वर्षाको कारण दोस्रो पटक खेल रोकिदा आयरल्याण्डले ४० ओभर २ बलमा ४ विकेट गुमाएर १ सय ९५ रन बनाएको थियो ।

उसका लागि कप्तान एन्डी बल्ब्रिनेले ६५ रनको अर्धशतकीय इनिङ्स खेलेका थिए । यस्तै विलियम पोर्टरफिल्डले ६३ रन बनाएका थिए ।

दक्षिण अफ्रीकाका कागिसो राबडाले २ विकेट लिएका थिए ।

तीन खेलको सिरिज अन्तर्गत दुई टोलीबीचको दोस्रो खेल मंगलबार हुनेछ ।