राष्ट्रिय खेलकुद मंसिरमा नहुने पक्का, माघमा मिति सार्ने तयारी

काठमाडौं । मध्यपश्चिममा हुने तय भएको आठौ राष्ट्रिय खेलकु्द प्रतियोगिता मंसिर महिनामा नहुने करिब पक्का पक्की भएको छ । तयारी अभावको कारण देखाउदै राष्ट्रिय खेलकुद परिषदले मंसिर २१ देखि २८ गतेसम्म गर्ने भनिएको प्रतियोगिता सार्ने तयारी गरेको छ ।

आठौ राष्ट्रिय खेलकुदको नयाँ मिति तय गर्न राष्ट्रिय खेलकुद परिषदको बोर्ड बैठक नुवाकोटको ककनीमा जारी छ । राखेप प्रेस सल्लाहकार रोहित दाहालले प्रतियोगिता निर्धारित समयमा हुने सम्भावना न्युन रहेको भन्दै नयाँ मितिको बिषय छलफल भईरहेको बताए ।

राखेपले आठौ राष्ट्रिय खेलकुद माघको दोस्रो सातामा सार्ने तयारी गरेको छ । राखेप स्रोतका अनुसार माघ र फागुनको पहिलो साताभित्र आयोजना गर्ने गरि नयाँ मिति घोषणाको तयारी भईरहेको छ ।

राष्ट्रिय खेलकुद परिषद्का सदस्य सचिव केशव विष्टले माघको दोस्रो साता प्रतियोगिताको नयाँ मिति प्रस्ताव गर्ने तयारी गरेका छन् । पुर्वाधार निर्माणको ढिला सुस्तीले समयमै प्रतियोगिता आयोजनामा सरोकारवालाले आशंका व्यक्त गर्दै आएका थिए ।

आयोजक मध्यमाञ्चक खेलकुद विकास समितिले समयमै बजेटको व्यवस्था नहुदाँ पुर्वाधार निर्माणले गति लिन नसकेको बताउदै आएको छ ।

प्रतियोगिता आउन करिब मात्र दुई महिनामात्र बाँकी रहदाँ जिल्ला तथा प्रदेश छनोटको तालिका सार्वजनीक हुन सकेको छैन । राखेप बोर्ड बैठकले प्रतियोगिताको नयाँ मितिसंगै छनोट प्रतियोगिताको कार्यतालिका समेत सार्वजनीक गर्ने तयारी गरेको छ ।