एजेन्सी । बेल्जियमका मिडफिल्डर केभिन डी ब्रुएनले पैतलाको लिगामेन्ट च्यातिएको अवस्थामा शुक्रबार क्वार्टरफाईनलमा ईटालीविरुद्ध खेलेको बताएका छन् ।
ईटालीसंग २–१ ले पराजित हुँदै विश्व नम्बर एक टिम बेल्जियम प्रतियोगिताबाट बाहिरिएको छ ।
म्यान्चेष्टर सिटीका मिडफिल्डर ब्रुएनले क्वार्टरफाईनल खेल्ने अनिश्चित थियो । अन्तिम १६ को पोर्चुगलविरुद्धको खेलमा उनले चोट बोकेका थिए । तर उनले आफु खेल्नका लागि दृढ रहेको बताए ।
‘व्यक्तिगत रुपमा चार वा पाँच हप्ता मेरा लागि कठिन जस्तै रह्यो । तर म विशेष रुपमा मेडिकल कर्मचारीलाई धन्यवाद दिन चाहन्छु ।’ उनले भने ।
‘यो आश्चार्यनै भयो । मैले खेल्न पाए । किनकी मेरो पैतला खत्तम भएको थियो । मेरो लिगामेन्ट च्यातिएको थियो । तर मलाई आफ्नो देशका लागि खेल्ने जिम्मेवारी महशुश भयो । तर दुखको कुरा मैले केही गर्न सकिन ।’ उनले युईएफसंग भनेका छन् ।
३० वर्षिया खेलाडीलाई विश्वको नम्बर एक मिडफिल्डर मानिन्छ । गत महिनामात्र च्याम्पियन्स लिगको फाईनलमा चेल्सीविरुद्धको खेलमा उनले टाउकोमा चोट बोकेका थिए ।
ईटालीसंग पराजित खेलमा बेल्जियमको टिममा रियल मड्रिडका इडेन हजार्ड समेत थिएनन् । ब्रुएनले फिटनेसका कारण युरोकपमा टिमले राम्रो खेल्न नसकेको बताए ।
‘यो निकै कठिन प्रतियोगिता रह्यो । हामी धेरै चोटबाट ग्रसित बन्यौं । हामीले अन्तिमसम्म लड्यौं । पहिलो हाफमा ईटालीले राम्रो खेल्यो । दोस्रो हाफमा हामीले धेरै मौका सिर्जना गरेको थियौं । हामीले खेललाई २–२ को अवस्थामा ल्याउन सक्थ्यौं । तर हामीले सकेनौं ।’ उनले भने ।
‘हामी एक शीर्ष टिमसंग हारेका छौं । हामी अर्को पटक विश्वकप जित्ने कोशिश गर्नेछौं । तर पहिला मलाई शारीरिक रुपमा ठिक हुन आवश्यक छ । पछिल्लो केही वर्षमा मलाई धेरै चोटको समस्या भएको छ । तर सधै टिमका लागि केही दिने कोशिश गरिरहेको छु ।’ ब्रुएनले भनेका छन् ।
-1752456636.jpeg)
