एजेन्सी । कोपा अमेरिका फुटबलमा उरुग्वेले पाराग्वेलाई हराएको छ ।
मंगलबार बिहान उरुग्वेले पाराग्वेलाई १–० ले हराएको हो ।
उरुग्वेको जितमा इडिन्सन काभानीले पेनाल्टीमा एक गोल गरे । खेलको २१ औं मिनेटमा काभानीले गरेको गोल उरुग्वेलाई जित दिलाउन पर्याप्त रह्यो ।
उरुग्वेले समूह चरणमा ४ खेलबाट ७ अंक जोडेर दोस्रो स्थानमा रह्यो । तेस्रो स्थानको पाराग्वेको ६ अंक रह्यो ।
दुवै टिम यसअघिनै क्वार्टरफाईनल पुगिसकेका छन् ।
