टेस्ट च्याम्पियनसिप फाइनल : चौंथो दिनको खेल रद्द

एजेन्सी । आईसीसी विश्व टेस्ट च्याम्पियनसिप फाइनल अन्तर्गत चौंथो दिनको खेल रद्द भएको छ ।

साउथह्याम्पटनमा सोमबार वर्षाको कारण चौंथो दिनको खेल सुरु नहुदै रद्द भएको हो ।

चौंथो दिनको खेल सकिदा पहिलो इनिङ्समा न्युजिल्याण्डले दोस्रो दिनको खेल सकिदा २ विकेट गुमाएर १ सय १ रन जोडेको छ । पहिलो इनिङ्समा न्युजिल्याण्ड भारतसँग १ सय १६ रनले पछि परेको छ ।

न्युजिल्याण्डका लागि ओपनर डेभोन कन्वेले ५४ रनको अर्धशतकीय इनिङ्स खेले । टम लाथम ३० रन जोडेर आउट भए ।

कप्तान केन विलियम्सन १२ रनमा अविजित रहदा रोस टेलर सुन्य रनमा अविजित छन् । भारतका इशान शर्मा र रविचन्द्र आश्विनले १/१ विकेट लिए ।

यस अघि टस हारेर पहिले ब्याटिङ गरेको भारत पहिलो इनिङ्समा २ सय १७ रन जोड्दा अलआउट भएको थियो ।

पहिलो इनिङ्समा भारतका अजिन्का रहाणेले सर्वाधिक ४९ रन बनाए । यस्तै कप्तान विराट कोहलीले ४४ रन जोड्दा रोहित शर्माले ३४ रन बनाए ।

शुबमन गिलले २८ तथा रविचन्द्र आश्विनले २२ रन बनाए ।

भारतलाई सस्तैमा समेट्ने न्युजिल्याण्डका केली जेमिसनले ५ विकेट लिए । उनले मात्र ३१ रन खर्चिए ।

त्यस्तै ट्रेन्ट बोल्ट र निल वाग्नेरले २/२ विकेट लिए ।