एजेन्सी । १६ औं संस्करणको युरोकप फुटबलमा अहिले साविक विजेता पोर्चुगलले हंगेरीसँग प्रतिस्पर्धा गरिरहेको छ ।
पुस्कास एरिनामा जारी खेलको पहिलो हाफ सकिदा पोर्चुगल र हंगेरीले गोलरहित बराबरी खेलेका छन् ।
पहिलो हाफमा पोर्चुगलले बल पोसेसनमा पकड जमाएको थियो । तर, क्रिस्टियानो रोनाल्डोको कप्तानीमा रहेको पोर्चुगलले गोल गर्न भने सकेन ।
पोर्चुगलका डिएगो जोटाको उत्कृष्ट प्रहार हंगेरीका गोलकिपर पिटरले उत्कृष्ट बचाउ गरे । पहिलो हाफको अन्तिम समयमा रोनाल्डोले गोलको सुनौलो अवसर खेर फाले ।
रोनाल्डोले यस खेलसँगै पाँच संस्करणको युरोपियन च्याम्पियनसिप खेल्ने पहिलो खेलाडीको कीर्तिमान बनाएका छन् ।
ग्रुप अफ डेथ मानिएको समूह 'एफ' मा रहेको पोर्चुगल आज सुखद सुरुवात गर्ने लक्ष्यसहित मैदान उत्रिएको छ । हंगेरी पनि पहिलो खेलमा ठुला टिमलाई स्तब्ध बनाउने योजनामा रहेको छ ।
मुख्य प्रतियोगितामा दुई टिमबीच तेस्रो पटक प्रतिस्पर्धा भईरहेको हो । सन् २०१६ को भेटमा दुई टोलीले ३-३ गोलको बराबरी खेलेका थिए ।
-1752484513.jpg)
-1752483691.JPG)
