अलीले पीएसएलको बाँकी खेल गुमाउने

एजेन्सी । इस्लामावाद युनाईटेडका बलर हसन अलीले पाकिस्तान सुपर लिग (पीएसएल) को बाँकी खेलहरु गुमाउने भएका छन् ।

व्यक्तिगत कारण देखाएर युएईबाट पाकिस्तान फर्किएपछि अलीले बाँकी खेलहरु गुमाउने भएका हुन् ।

अलीले परिवारको कारण प्रतियोगिताको बाँकी खेल खेल्न नसक्ने बताएका छन् ।

'व्यक्तिगत कारण म पीएसएलको बाँकी खेलबाट बाहिर रहने छु । केहि कुरा क्रिकेट भन्दा महत्वपूर्ण हुन्छ ।  परिवार भन्दा महत्वपूर्ण केहि हुदैन,' उनले भनेका छन्,' मलाई साथ र सहयोग गरेकोमा इस्लामावादलाई धन्यवाद ।'

अली टिमका महत्वपूर्ण खेलाडी हुन् । उनी प्रतियोगिताकै सर्वाधिक विकेट लिने तेस्रो खेलाडी रहेका थिए ।

कोरोना भाईरसको महामारीको कारण पीएसएलका बाँकी खेलहरु युएईको अबुधाबीमा भईरहेको छ ।

इस्लामावाद ८ अंक जोडेर तालिकाको दोस्रो स्थानमा रहेको छ ।