वेस्ट इन्डिजका बलर मार्क्विनोलाई कोरोना

एजेन्सी । वेस्ट इन्डिजका बलर मार्क्विनो मिन्डलेलाई कोरोना भाईरसको संक्रमण देखिएको छ ।

दक्षिण अफ्रीकाविरुद्धको सिरिजका लागि बन्द प्रशिक्षणमा रहेका मार्क्विनोलाई कोरोना देखिएको हो ।

कोरोना देखिएपछि उनी होटलमै सेल्फ आईसोलेसनमा बसेका छन् ।

अन्य खेलाडी र प्रशिक्षण स्टाफको रिपोर्ट भने नेगेटिभ आएको बताईएको छ ।

सिरिजका लागि वेस्ट इन्डिजको ३० सदस्सीय टिमले सेन्ट लुसियामा तयारी गरिरहेको छ ।

वेस्ट इन्डिजले घरेलु मैदानमा दक्षिण अफ्रीकासँग टेस्ट र टी-ट्वान्टी सिरिज खेल्नेछ ।

दक्षिण अफ्रीका र वेस्ट इन्डिजबीच दुई टेस्ट र पाँच टी-ट्वान्टी अन्तराष्ट्रिय खेल हुनेछ ।

दक्षिण अफ्रीका र वेस्ट इन्डिजबिचको टेस्ट सिरिज जुन १० देखि २२ सम्म र टी-ट्वान्टी सिरिज जुन २६ देखि जुलाई ५ सम्म हुनेछ ।