श्रीलंका भ्रमणका लागि द्रभिड भारतीय टिमको प्रशिक्षक

एजेन्सी । श्रीलंका भ्रमणका लागि पूर्व कप्तान राहुल द्रभिड भारतीय क्रिकेट टिमको प्रशिक्षक नियुक्त भएका छन् ।

भारतीय क्रिकेट बोर्ड (बीसीसीआई) ले नेसनल क्रिकेट एकेडेमी (एनएसी) को प्रमुख रहेका द्रभिडलाई प्रशिक्षक नियुक्त गरेको हो ।

मुख्य प्रशिक्षक रबि शास्त्री भारतको पहिलो टिमसँग इंग्ल्यान्ड भ्रमणमा हुने भएपछि द्रभिडले श्रीलंका भ्रमणमा जाने टिम हेर्ने भएका हुन् ।

भारतले जुलाईमा श्रीलंकाको भ्रमण गर्दैछ । श्रीलंका भ्रमण दौरान भारतले सिमित ओभरको क्रिकेट सिरिज खेल्नेछ ।

श्रीलंका भ्रमण दौरान भारतले तीन खेलको एकदिवसीय र तीन खेलको टी-ट्वान्टी सिरिज खेल्नेछ ।