अमित अष्ट्रेलियामा ‘मोस्ट भ्यालुयबल प्लेअर’

काठमाडौं । पाल्पाका अमित अष्ट्रेलियामा आयोजना भएको ‘एक्ट्रा एएनसीए लिग २०२१’को ‘मस्ट भ्यालयबल प्लेअर’ बन्न सफल भएका छन् ।

हिमालयन ओरियर्स क्रिकेट टिमबाट खेलेका उनले ‘मस्ट भ्यालयबल प्लेअर’को अवार्ड जितेका हुन् । अमितले प्रतियोगितामा ३ अर्धशतकसहित कुल ३२९ रन बनाएका थिए । ओरियर्सको कप्तानी गरेका उनले टिमलाई उप–विजेता बनाएका थिए । ओरियर्स फाइनल खेलमा पराजित भएको थियो ।

२०४६ मा पाल्पामा जन्मिएका ज्ञवाली लेड्रिमर्स, फ्रेन्स, हाम्रो क्रिकेट टिम तथा पाल्पाली क्रिकेट प्लेयर्सबाट कप्तानका रुपमा खेलेका थिए । ज्ञवालीकै कप्तानीमा यू–१९ क्षेत्रीय क्रिकेटमा पाल्पाले पहिलो पटक भैरहवालाई हराउदै उपाधि जितेको थियो ।

सन् २०११ मा विरगञ्जमा भएको एमजी ट्रफीमा ज्ञवालीेले भैरहवा क्षेत्र नं। ४ को टिममा सहभागिता जनाएका थिए ।

प्रतियोगितामा भैरहवाले उपाधि जित्न सफल भएको थियो । अमितले करिब ७ वर्ष पाल्पा जिल्लाको क्रिकेट टिमको नेतृत्व गरेका थिए ।