एसेज सिरिजको मिति तय

एजेन्सी । इंग्ल्यान्ड र अष्ट्रेलियाबीचको बहुचर्चित टेस्ट सिरिज 'एसेज सिरिज' को मिति तय भएको छ ।

सन् २०२१/२२ को एसेज सिरिज अष्ट्रेलियामा हुनेछ । सिरिज पाँच खेलको हुनेछ ।

यस पटकको सिरिज डिसेम्बर देखि जनवरीसम्म हुनेछ ।

तालिका अनुसार सिरिज अन्तर्गतको पहिलो टेस्ट डिसेम्बर ८ देखि १२ सम्म ब्रिसबेनमा हुनेछ ।

दोस्रो टेस्ट डिसेम्बर १६ देखि २० सम्म एडिलेट, तेस्रो टेस्ट २६ डिसेम्बर देखि ३० डिसेम्बरसम्म मेलबर्नमा हुनेछ ।

यस्तै सिड्नीमा हुने चौंथो टेस्ट जनवरी ५ देखि ९ सम्म र अन्तिम तथा पाँचौ टेस्ट पर्थमा जनवरी १४ देखि १८ सम्म हुने तालिका रहेको छ ।