एजेन्सी । इंग्लिस प्रिमियर लिग फुटबलमा क्रिस्टल प्यालेसले पुनरागमन जित निकालेको छ ।
आइतबार भएको खेलमा क्रिस्टलले एस्टन भिल्लालाई ३-२ गोल अन्तरले पराजित गरेको हो ।
खेलको १७ औं मिनेटमा जोन म्याकगिनले गोल गर्दै एस्टनलाई अग्रता दिलाएका थिए ।
३२ औं मिनेटमा क्रिस्टियन बेन्टेकेले गोल गर्दै क्रिस्टललाई १-१ गोलको बराबरी ल्याए ।
खेलको ४३ औं मिनेटमा अनवर एल घाजीले गोल गर्दै एस्टनलाई २-१ को अग्रता दिलाए ।
७५ औं मिनेटमा विलफ्रेड जाहाले गोल गर्दै क्रिस्टललाई २-२ गोलको बराबरीमा ल्याए ।
त्यसपछि खेलको ८४ औं मिनेटमा ट्रीक मिचेलले गोल गर्दै क्रिस्टललाई ३-२ को जित दिलाए ।
जितसँगै क्रिस्टलले ३६ खेलमा ४४ अंक जोडेको छ । क्रिस्टल लिगको १३ औं स्थानमा रहेको छ ।
एस्टन ४९ अंक जोडेर ११ औं स्थानमा रहेको छ ।
-1753270648.jpeg)
