काठमाडौं । पहिलो संस्करणको नेपाल सुपर लिग (एनएसएल) फुटबल अन्तर्गत आज एक खेल हुँदैछ ।
त्रिपुरेश्वरस्थित दशरथ रंगशालामा हुने खेलमा ललितपुर सिटी एफसी र एफसी चितवनबीच प्रतिस्पर्धा हुनेछ ।
ललितपुर र चितवनबीचको खेल साँझ ५:३० बजे सुरु हुनेछ ।
अन्जन विष्टको कप्तानीमा रहेको ललितपुर पहिलो जित निकाल्ने योजनामा हुनेछ ।
उद्घाटन खेलमा ललितपुर काठमाडौं रेजर्ससँग १-० ले स्तब्ध भएको थियो ।
काठमाडौंलाई जित दिलाउन मेसौके ओलुमोउले निर्णायक गोल गरेका थिए ।
यता, चितवन भने प्रतियोगितामा सुखद सुरुवात गर्न चाहन्छ । जसका लागि चितवन ललितपुरलाई पराजित गर्न चाहन्छ ।
राष्ट्रिय टिमका स्ट्राइकर भरत खवासको कप्तानीमा चितवन मैदान उत्रने छ ।
नेपाल स्पोर्टस म्यानेजमेन्टले आयोजना गरेको पहिलो संकरणको लिगमा ७ फ्रेन्चाइज टिमको सहभागिता रहेको छ ।
राउण्ड रोबिनको आधारमा हुने लिगमा कुल २५ खेल हुनेछ ।
-1753545694.jpg)
