बार्सिलोनाको पुनरागमन जित

एजेन्सी । एन्टोनी ग्रिजम्यान चम्किएको खेलमा बार्सिलोनाले भिल्ला रियललाई हराएको छ ।

आईतबार भएको खेलमा बार्सिलोनाले भिल्ला रियललाई २–१ ले हराएको हो ।

ग्रिजम्यान चम्किदै दुई गोल गरेपछि बार्सिलोनाले घरेलु टोलीविरुद्ध पुनरागमन जित निकाल्यो ।

खेलको २६ औं मिनेटमा स्यामुएल चुकउन्जेको गोलबाट घरेलु टोलीले अग्रता लिएको थियो । त्यसको दुई मिनेटमै बार्सिलोनाले ग्रिजम्यानको गोलबाट खेल बराबरीमा ल्याएको थियो ।

खेलको ३५ औं मिनेटमा ग्रिजम्यानले व्यक्तिगत दोस्रो गोल गरेपछि बार्सिलोना २–१ ले विजयी बन्यो ।

खेलको ६५ औं मिनेटमा म्यानुअल ट्रिग्युरोस रातो कार्ड खादै मैदान बाहिरिएपछि घरेलु टोली १० खेलाडीमा सिमित बनेको थियो । तर पाहुना टोली बार्सिलोनाले थप गोल गर्न सकेन । पहिलो हाफमै प्राप्त २–१ को नतिजा सहित बार्सिलोनाले ३ अंक जोड्यो ।

बार्सिलोनाले जितसंगै दोस्रो स्थानको रियल मड्रिडसंग अंक बराबरी गरेको छ । दुवै टिमले ७१ ऋंक भएको छ । शीर्ष स्थानको एट्लेटिको मड्रिडको ७३ अंक छ । भिल्ला रियल ४९ अंक सहित सातौं स्थानमा छ ।