बराबरीमा रोकियो लिभरपुल

एजेन्सी । इंग्लिस प्रिमियर लिग फुटबलमा लिभरपुल बराबरीमा रोकिएको छ ।

शनिबार भएको खेलमा लिभरपुल न्युकासल युनाईटेडसँग १-१ गोलको बराबरीमा रोकिएको हो ।

घरेलु मैदानमा सुरुवाती गोलको अग्रता जोगाउन नसक्दा लिभरपुलले बराबरी खेल्नु परेको हो ।

खेलको तेस्रो मिनेटमा मोहमद सलाहले गोल गर्दै लिभरपुललाई अग्रता दिलाएका थिए ।

तर, खेलको इन्जुरी समयमा न्युकासलका जोसेप विललकले गोल गरेपछि खेल १-१ को बराबरीमा सकिएको हो ।

यस बराबरीसँगै लिभरपुलले ३३ खेलमा ५४ अंक जोडेको छ ।

लिभरपुल लिगको छैटौं स्थानमा रहेको छ ।

न्युकासल ३६ अंक जोडेर १५ औं स्थानमा रहेको छ ।