युभेन्ट्सको सहज जित

एजेन्सी । इटालियन सिरी 'ए' फुटबलमा युभेन्ट्सले सहज जित निकालेको छ ।

बुधबार राति भएको खेलमा युभेन्ट्सले पर्मालाई ३-१ गोल अन्तरले पराजित गरेको हो ।

घरेलु मैदानमा एक गोलको अग्रता उल्टाएर युभेन्ट्सले जित निकालेको हो ।

खेलको २५ औं मिनेटमा गास्टन ब्रुगमानले गोल गर्दै पर्मालाई अग्रता दिलाएका थिए ।

खेलको ४३ औं मिनेटमा एलेक्स सान्ड्रोले गोल गर्दै युभेन्ट्सलाई १-१ गोलको बराबरीमा फर्काए ।

खेलको ४७ औं मिनेटमा एलेक्सले व्यक्तिगत दोस्रो गोल गर्दै युभेन्ट्सलाई २-१ को अग्रता दिलाए ।

त्यसपछि खेलको ६८ औं मिनेटमा म्याथिस डी लिग्टले गोल गर्दै युभेन्ट्सलाई ३-१ को जित दिलाए ।

जितसँगै युभेन्ट्सले ३२ खेलमा ६५ अंक जोडेको छ ।

पर्मा २० अंक जोडेर पुछारबाट दोस्रो स्थानमा रहेको छ ।