बेन्जिमा चम्किदा रियल शीर्ष स्थानमा

एजेन्सी । स्पेनिस ला लिगा फुटबलमा रियल मड्रिडले सहज जित निकालेको छ ।

बुधबार राति भएको खेलमा रियलले काडिजलाई ३-० गोल अन्तरले पराजित गरेको हो ।

काडिजको मैदानमा रियललाई जित दिलाउन करिम बेन्जिमाले दुई गोल गरे ।

अल्भारो ओड्रीजोलाको नाममा एक गोल रह्यो ।

खेलको ३० औं मिनेटमा बेन्जिमाले पेनाल्टीमा गोल गर्दै टिमलाई अग्रता दिलाएका थिए ।

३३ औं मिनेटमा अल्भारोले गोल गर्दै रियललाई २-० को अग्रता दिलाए ।

त्यसपछि खेलको ४० औं मिनेटमा बेन्जिमाले व्यक्तिगत दोस्रो गोल गर्दै रियललाई ३-० को जित दिलाए ।

जितसँगै रियल लिगको शीर्ष स्थानमा उक्लिएको छ ।

रियलले ३२ खेलमा ७० अंक जोडेको छ ।

काडिज ३६ अंक जोडेर १३ औं स्थानमा रहेको छ ।