एट्लेटिकोको फराकिलो जित

एजेन्सी । स्पेनिस ला लिगा फुटबलमा शीर्ष स्थानको एट्लेटिको मड्रिडले फराकिलो जित निकालेको छ ।

आइतबार राति भएको खेलमा एट्लेटिकोले इबरलाई ५-० गोल अन्तरले पराजित गरेको हो ।

घरेलु मैदानमा एन्जल कोर्रेयाले ४२ औं मिनेटमा गोल गर्दै टिमलाई अग्रता दिलाएका थिए ।

खेलको ४४ औं मिनेटमा कोर्रेयाले व्यक्तिगत दोस्रो गोल गर्दै टिमको अग्रता २-० को बनाए ।

४९ औं मिनेटमा यान्निक कारास्कोले गोल गर्दा टिमको अग्रता तेब्बर बन्यो ।

खेलको ५३ औं मिनेटमा मार्कुस लोरेन्टले गोल गर्दै टिमको अग्रता ४-० को बनाए ।

त्यसपछि खेलको ६८ औं मिनेटमा मार्कुसले व्यक्तिगत दोस्रो गोल गर्दै टिमलाई ५-० को जित दिलाए ।

जितसँगै एट्लेटिकोले ३१ खेलमा ७० अंक जोडेको छ ।

इबर २३ अंक जोडेर पुछारमा रहेको छ ।