नेपाल आईपुगे विराटनगरका प्रशिक्षक यान ल

काठमाडौं । नेपाल सुपर लिग (एनएसएल) को फ्रेन्चाइज टिम विराटनगर सिटी एफसीका मुख्य प्रशिक्षक यान ल नेपाल आईपुगेका छन् ।

प्रतियोगिताका लागि प्रशिक्षक यान आइतबार नेपाल आईपुगेका हुन् ।

भारतीय प्रशिक्षक यानलाई विराटनगर सिटीका पदाधिकारीले स्वागत गरेका थिए ।

पाल स्पोर्टस म्यानेजमेन्टले आयोजना गर्ने पहिलो संकरणको लिगमा ७ फ्रेन्चाइज टिमको सहभागिता रहेको छ ।

त्रिपुरेश्वरस्थित दशरथ रंगशालामा आयोजना हुने लिग बैशाख ११ गतेदेखि जेठ १ गतेसम्म सञ्चालन हुनेछ ।

विराटनगरले राष्ट्रिय फुटबल टिमका सदस्य तथा डिफेन्डर रञ्‍जित धिमाललाई मार्की खेलाडीको रुपमा अनुबन्धित गरिसकेको छ ।