बी-१३ सी को विजयी सुरुवात 

पोखरा । बी-१३ सीले पोखरामा आइतबार सुरु खुल्ला सेभेन ए साइड फुटबल प्रतियोगितामा विजयी सुरुवात गरेको छ । 

 

प्रतियोगिताको उद्घाटन खेलमा बी-१३ सीले क्याफे ब्रदर्शलाई ४-१ गोल अन्तरले पराजित गरेको हो । 

 

पोखरा माछापोखरीको खेल मैदानमा बी-१३ सीका लागि रवि रानाले ह्याट्रिक गोल गरे । यस्तै मानाङे नकर्मिले एक गोल गरे ।

 

अर्को खेलमा लाहाचोक टिमले एसएनएसलाई २-० ले हराएको छ ।

 

श्री सत्य युवा क्लबको आयोजनामा संचालन भएको प्रतियोगिताको विजेताले नगद १ लाख ३५ हजार रुपैँयाको साथमा शिल्ड मेडल र प्रमाणपत्र प्राप्त गर्नेछ । उपविजेताले नगद ८५ हजार रुपैँयाका साथमा शिल्ड मेडल र प्रमाणपत्र प्राप्त गर्नेछ ।

 

प्रतियोगिताको सर्वोत्कृष्ट खेलाडीले नगद ५ हजार रुपँया सहित प्याराग्लाईडिङ टिकट प्राप्त गर्नेछन भने उत्कृष्ट गोलरक्षक, डिफेन्डर र फरवार्डले समान ५–५ हजार रुपैँया साथमा शिल्ड मेडल र प्रमाणपत्र प्राप्त गर्नेछन् । प्रतियोगिताको फाइनल खेल वैशाख ११ गते हुनेछ ।