कोपा डेल रेमा मेस्सीको कीर्तिमान

एजेन्सी । बार्सिलोनाका कप्तान लियोनल मेस्सीले स्पेनिस कोपा डेल रे फुटबलमा कीर्तिमान बनाएका छन् ।

मेस्सीले कोपा डेल रेको फाइनल खेलमा सर्वाधिक गोल गर्ने खेलाडीको कीर्तिमान बनाएका हुन् ।

मेस्सीले शनिबार राति एथ्लेटिक बिल्बाओविरुद्धको फाइनलमा २ गोल गरेका थिए ।

उक्त खेलमा बार्सिलोनाले ४-० गोलको जित निकाल्दै कीर्तिमानी ३१ औं पटक उपाधि जितेको थियो ।

मेस्सीले कोपा डेल रेको १० फाइनल खेलमा ९ गोल गरेका छन् ।

अर्जेन्टिनाका मेस्सीले टेल्मो जाराको कीर्तिमानी भङ्ग गरेका हुन् ।

स्पेनका पूर्व खेलाडी जाराले ८ गोल गरेर कीर्तिमान बनाएका थिए ।