त्रिकोणात्मक सिरिजको ट्रफी सार्वजनिक

काठमाडौं । त्रिकोणात्मक टी–ट्वान्टी सिरिजको ट्रफी सार्वजनिक भएको छ ।

नेपाल क्रिकेट संघले (क्यान) ले शुक्रबार राजधानीमा एक पत्रकार सम्मेलन गर्दै प्रतियोगिताको ट्रफी सार्वजनिक गरेको हो ।

टियु क्रिकेट मैदानमा आयोजना हुने सिरिजमा नेपाल, नेदरल्यान्ड्स र मलेसियाले प्रतिस्पर्धा गर्नेछन् ।

नेपालका कप्तान ज्ञानेन्द्र मल्ल, नेदरल्याड्सका पिटर सीलार र मलेसिया कप्तान फैज अहमदले ट्रफी सार्वजनिक गरे।

प्रतियोगिताको पहिलो खेलमा नेपालले नेदरल्यान्ड्ससँग भोलि (शनिबार) खेल्नेछ ।  खेल दिउँसो १ः१५ बजे सुरु हुनेछ ।

नेपालले दोस्रो खेलमा मलेसियासँग बैशाख ६ मा खेल्नेछ । यस्तै, तेस्रो खेलमा नेपालले नेदरल्यान्ड्ससँग बैशाख ७ मा खेल्नेछ ।

यस्तै अन्तिम लिग खेलमा नेपालले बैशाख ९ गते मलेसियासँग खेल्नेछ ।

डबल राउण्ड रोबिनको आधारमा हुने सिरिजको शीर्ष दुई टिमले उपाधिका लागि खेल्नेछन् ।

प्रतियोगिताको फाइनल खेल बैशाख ११ गते हुनेछ ।