पारसले त्रिकोणात्मक सिरिज गुमाउने

काठमाडौं । नेपाली राष्ट्रिय क्रिकेट टिमका सदस्य पारस खड्काले त्रिकोणात्मक टी–ट्वान्टी क्रिकेट सिरिज गुमाउने भएका छन् ।

चोटका कारण पारसले नेदरल्यान्ड्स र मलेसिया सम्मलित सिरिज गुमाउने भएका हुन् ।

पूर्व कप्तान समेत रहेका पारसले प्रशिक्षण दौरान चोट बोकेका थिए ।

उनले फिल्डिङ गर्ने क्रममा काँधको चोट बोकेका थिए ।

डाक्टरले उनलाई करिब ३ हप्ता आराम गर्ने सल्लाह दिएका छन् ।

नेपाल क्रिकेट संघ (क्यान) ले पारसले चोट बोकेको पुस्टि गरेको छ ।

क्यानले पारसको स्थानमा ब्याट्सम्यान सन्दीप जोरालाई टिममा बोलाएको छ ।

नेपालले सिरिजको पहिलो खेलमा भोलि (शनिबार) नेदरल्यान्ड्ससँग खेल्दैछ ।

नेपालले दोस्रो खेलमा मलेसियासँग बैशाख ६ मा खेल्नेछ । नेपालले तेस्रो खेल नेदरल्यान्ड्ससँग बैशाख ७ मा खेल्नेछ ।

नेपालले अन्तिम लिग खेल बैशाख ९ गते मलेसियासँग खेल्नेछ ।

क्यानले घोषणा गरेको नेपाली टिम :

ज्ञानेन्द्र मल्ल, दिपेन्द्र सिंह ऐरी, पारस खड्का, विनोद भण्डारी, सोमपाल कामी,करण केसी,सन्दीप लामिछाने, अविनाश बोहरा, आरिफ शेख,आशिफ शेख,कुशल भुर्तेल, कुशल मल्ल, कमल सिंह ऐरी,सुशन भारी,शाहब आलम