राबडा दिल्लीको टोलीमा सामेल

एजेन्सी । दक्षिण अफ्रीकाका तीव्र गतिका बलर कागिसो राबडा १४ औं संस्करणको आईपीएलका लागि दिल्ली क्यापिटल्सको टिममा सामेल भएका छन् ।

क्वारेन्टिनमा रहेका राबडा बुधबार दिल्लीको टोलीमा समेल भएका हुन् ।

दिल्लीले होटलको क्वारेन्टिनमा रहेका राबडा टिमको प्रशिक्षणमा सामेल भएको जनाएको छ ।

राबडाले बिहीबार हुने राजस्थान रोयल्सविरुद्ध हुने खेलका लागि उपलब्ध हुने बताईएको छ ।

राबडा गत अप्रिल ६ बाट मुम्बईको होटेल क्वारेन्टिनमा बसेका थिए । उनी पाकिस्तानविरुद्ध दुई एकदिवसीय खेलपछि भारत पुगेका थिए । त्यसपछि उनी सात दिन क्वारेन्टिनमा बसेका थिए ।

राबडाले दिल्लीको प्लेइङ-११ मा टम कुरानको स्थान लिन सक्ने छन् ।

गत सिजन राबडाले सर्वाधिक ३० विकेट लिदै पर्पल क्याप जितेका थिए । उनले ८.३४ को इकोनोमीमा ३० विकेट लिएका थिए ।

उनकै महत्वपूर्ण योगदानमा दिल्ली गत सिजन पहिलो पटक आईपीएलको फाइनलमा पुगेको थियो ।

दिल्लीको टोलीमा एनरिच नोर्किया र इशान्त शर्मा अहिलेसम्म उपलब्ध छैनन् । त्यसैले पनि राबडा दिल्लीका लागि खेल्नु महत्वपूर्ण रहनेछ ।