कोहलीलाई कारबाही

एजेन्सी । आईपीएलले रोयल च्यालेन्जर्स बैंगलोरका कप्तान विराट कोहलीलाई कारबाही गरेको छ ।

भारतमा जारी १४ औं संस्करणको आईपीएलको 'कोड अफ कन्डक्ट' विपरित काम गरेको भन्दै कोहलीमाथी कारबाही गरिएको हो ।

कप्तान कोहलीलाई लेभल-१ को नियम विपरित काम गरेको भन्दै उनलाई म्याच फिको १५ प्रतिशत जरिवाना लगाएको छ ।

कोहली सनराइजर्स हैदरावादविरुद्ध १३ औं ओभरमा खेल्ने क्रममाः गलत सटका कारण आउट हुन पुगेका थिए । जेसन होल्डरको बलमा लामो सट खेल्ने क्रममा उनी आउट भएका थिए ।

आउट भएपछि पेभिलियन फर्किने क्रममा उनले डगआउटमा आफ्नो ब्याटले कुर्सीमा जोरले बजारेका थिए । लेभल १ को नियम अनुसार क्रिकेट उपकरण, कपडा वा मैदानमा रहेका उपकरणमाथी कुनै क्षती नपुर्याउनु भन्ने हो ।

विराट कोहलीले सनराइजर्स हैदराबादविरुद्ध २९ बलमा ३३ रनको योगदान दिएका थिए । उनले आफ्नो इनिङमा ४ चौका प्रहार गरेका थिए ।