काठमाडौं । अनिता महर्जन र राज शाहीले स्व. निलकण्ठ नारायण मानन्धर स्मृती चौथो आन्तरिक पावरलिफ्टिङ प्रतियोगिताको ट्रफी उचाल्न सफल भएका छन् ।
नेपाल ब्यायाम मन्दिरले नयाँ वर्षको उपलक्षमा आफ्ना पूर्व सदस्य स्व. निलकण्ठ नारायण मानन्धरको स्मृतीमा आयोजना गरेको प्रतियोगिताको महिलातर्फ अनिता र पुरुषतर्फ राज च्याम्पियन बनेका हुन् ।
अनिताले उपाधि जित्ने क्रममा स्क्वाटमा ९० केजी, बेन्च प्रेसमा ५२ केजी र डेडलिफ्टमा १०० केजी गरि कुल २४२ केजी उचालिन् । अनिताले मेडल, प्रमाण पत्र, ट्रफीका साथै नगद ६ हजार प्राप्त गरिन् ।
नेपाल ब्यायाम मन्दिरको आन्तरिक खेलाडीहरुकाबीच गरिने प्रतिस्पर्धामा दोश्रो स्थानमा बविता लामा रहिन् । उनले स्क्वाटमा ५० केजी, बेञ्च प्रेसमा ५० केजी र डेडलिफ्टमा १०५ केजी गरि कुल २०५ केजी उचालिन् । लामाले नगद ४ हजार सहित मेडल, प्रमाण पत्र र ट्रफी प्राप्त गरिन् । यस्तै तेश्रो स्थानमा रहेकी चन्द्रकला मुनकर्मीले ८० केजी, ४० केजी, ८० केजी गरि कुल २०० केजी उचालिन् ।
मुनकर्मीले नगद ३ हजार, मेडल, प्रमाण पत्र र ट्रफी प्राप्त गरिन् । महिलालाई खेल तर्फ आकर्षित गर्ने उद्धेश्यले चौथो स्थानमा रहेकी सुदिक्षा राज्य लक्ष्मी शाहले सान्त्वना स्वरुप नगद १ हजार र प्रमाण पत्र प्राप्त गरिन् ।
नेपाल ब्यायाम मन्दिरको आफ्नै हलमा भएको प्रतिस्पर्धामा पुरुषतर्फ राजले स्क्वाट तर्फ १५० केजी, बेञ्च प्रेसमा १२० केजी र डेडलिफ्टमा १८५ केजीका साथ कुल ४५५ केजीका साथ स्वर्ण प्राप्त गरेका हुन् । दोश्रो स्थानमा रहेको सविर परियारको पनि समान ४५५ केजी रहेता पनि तौल वजनका कारण शाहीले प्रथम स्थान प्राप्त गरेका हुन् ।
शाहीले नगद १४ हजार, मेडल, प्रमाण पत्र र ट्रफी प्राप्त गरे । दोश्रो भएका परियारले १६५ केजी, १०५ केजी र १८५ केजीका साथ ४५५ केजी उचाले । उनले नगद ९ हजार, मेडल, ट्रफी प्रमाण पत्र प्राप्त गरे । तेश्रो स्थान प्राप्त गर्ने ढुकसान लामाले १४५ केजी, १०५ केजी र १८० केजीका साथ ४३० केजी उचाले । उनले नगद ६ हजार मेडल, प्रमाण पत्र र ट्रफी प्राप्त गरे । ४३० केजीनै उचालेका संदीप पुजारी चौथो भए । उनी तौल वजनका कारण चौथो भएका थिए । उनले १४० केजी, ११५ केजी र १७५ केजी उचालेका थिए ।
बिजयी खेलाडीहरुलाई प्रमुख अतिथी प्रतिनिधी सभाका साँसद एवं पूर्व रक्षा मन्त्री भिमसेन दास प्रधान, स्व. निलकण्ठ नारायण मानन्धरकी छोरी तृष्णा मानन्धर, काठमाण्डौ जिल्ला शारिरीक सुगठन संघका अध्यक्ष सुरेश सुवेदी (क्याप्टेन) लगायतले पुरस्कार वितरण गरेका थिए ।
प्रतियोगितामा पुरुषतर्फ १३ र महिलातर्फ ४ खेलाडीहरुले प्रतिस्पर्धा गरेका थिए ।
-1751597995.webp)
-1751593454.webp)
