वेस्ट ब्रुमको सहज जित

एजेन्सी । इंग्लिस प्रिमियर लिग फुटबलमा वेस्ट ब्रुमले सहज जित निकालेको छ ।

सोमबार राति भएको खेलमा वेस्ट ब्रुमले साउथह्याम्पटनलाई ३-० गोल अन्तरले पराजित गरेको हो ।

घरेलु मैदानमा खेलको ३२ औं मिनेटमा म्याथ्युएस पेरिएराले पेनाल्टीमा गोल गर्दै टिमलाई अग्रता दिलाएका थिए ।

खेलको ३५ औं मिनेटमा म्याथ्यु फिलिप्सले गोल गर्दै वेस्ट ब्रुमको अग्रता २-० को बनाए ।

त्यसपछि खेलको ६९ औं मिनेटमा कलुम रोबिनसनले गोल गर्दै टिमलाई ३-० को जित दिलाए ।

खेलको इन्जुरी समयमा साउथह्याम्पटनका जेम्स वार्डले पेनाल्टीमा गोल गर्न सकेनन् ।

यस जितसँगै वेस्ट ब्रुमले ३१ खेलमा २४ अंक जोडेको छ । वेस्ट ब्रुम पुछारबाट दोस्रो स्थानमा रहेको छ ।

साउथह्याम्पटन ३६ अंक जोडेर १४ औं स्थानमा रहेको छ ।

अर्को खेलमा एभर्टनले ब्राइटनसँग गोलरहित बराबरी खेलेको छ ।