काठमाडौं । सोतोकान कराते डो (एसकेडियुएन) चौथो राष्ट्रिय सोतोकान कराते च्यामिपयनसिप तथा तेश्रो सूर्यविनायक मेयर कप २०७७ को टिम च्याम्पियन बन्न सफल भएको छ ।
एसकेडियुएन १३ स्वर्ण, १० रजत र २० कास्यका साथ च्याम्पियन बनेको हो ।
नेपाल सोतोकान कराते महासंघ (एनएसकेएफ) २ स्वर्ण, ४ रजत र ६ कास्यका साथ दोश्रो र अन्तराष्ट्रिय मार्सल आर्ट एसोशियसन (आईएमए) १ स्वर्ण, ३ रजत र ४ कास्यका साथ तेश्रो भयो । यस्तै, १ स्वर्ण हात पारेको अन्तराष्ट्रिय सोतोकान कराते महासंघ (आईएसकेएफ) उत्कृष्ट अनुशासित टिम घोषित भयो । च्याम्पियन तथा अनुशासित टिमले ट्रफि र प्रमाण पत्र प्राप्त गरे ।
नेपाल सोतोकान कराते डो संघ, भक्तपुरको आयोजनामा भएको प्रतियोगितामा एसकेडियुएनका निमा शेर्पा पुरुषतर्फ सुजिता शाक्य महिलातर्फ उत्कृष्ट खेलाडी घोषित भए ।
यस्तै उदियमान खेलाडीको खिताव पुरुषतर्फ अन्तराष्ट्रिय मार्सल आर्ट संघका समिर सलामी र महिलातर्फ एसकेडियुएनकी प्रजिता श्रेष्ठले प्राप्त गरे ।
बिजयी खेलाडीले ट्रफी र प्रमाण पत्र प्राप्त गरे ।
एसकेडियुएन हाबी रहेको प्रतियोगिताको पुरुष ३० केजी तौल समूहमा सुभाष गौतम, ३५ केजीमा निरज कोईराला, ५० केजी तौलमा संन्देश चाम्लिङ्ग राई, ५५ केजीमा साजन दोङ्ग, ६० केजीमा निमा शेर्पा र खुल्ला तौलतर्फ सागर चौलागाईले स्वर्ण प्राप्त गरे ।
यस्तै, ४० र ४५ केजीमा नेपाल सोतोकान कराते महासंघका अभिषेक कार्की र दिपेश राईले स्वर्ण पाए ।
यसैगरि पुरुष एकल कातामा अन्तराष्ट्रिय सोतोकान कराते महासंघका सौरभ सिलवालले स्वर्ण हात पारे ।
महिलातर्फको आठ बिधा मध्ये सात बिधामा सोतोकान कराते डो (एसकेडियुएन)ले स्वार्ण कब्जा ग¥यो ।
३० केजीमा बिना वाईवा, ३५ केजीमा बर्षा के सी, ४० केजीमा उशा शर्मा, ४५ केजीमा खुसी राई, ५० केजीमा सर्मिला वाईवा, ५५ केजीमा सुजिता शाक्य र खुल्ला तौलतर्फ पेम्बा शेर्पाले स्वर्ण हात पारे ।
यस्तै, एकल कातामा अन्तराष्ट्रिय मार्सटल आर्ट संघकी अनिता मोक्तानले स्वर्ण प्राप्त गरिन् । बिजयी खेलाडी तथा टिमलाई युवा तथा खेलकुद मन्त्री दावा तामाङ्गले ट्रफी मेडल र प्रमाण पत्र बितरण गरेका थिए ।
-1750262192.jpeg)
-1750260966.webp)
