विराट गाेल्डकप : पञ्जाव क्वाटरफाइनलमा

इलाम । पाहुना टोली पञ्जाव पुलिस विराटनगरमा जारी पाँचौ संस्करणको विराट गोल्डकपको क्वाटरफाइनल प्रवेश गरेको छ ।

दोस्राे प्रि–क्वाटरफाइनलमा रुपन्देहीको गोर्खा ब्वाइज क्लबलाई टाइब्रेकरमा ४–२ गोल अन्तरले हराउँदै पञ्जावले क्वाटरफाइनलमा स्थान बनाउन सफल भएको हो ।

विराटनगर रंगशालामा भएको खेलको निर्धारित र थपिएको ३० मिनेटमा दुवै टिमबाट १–१ गोल भएको थियो । पहिलो हाफ बराबरीमा सकिएको खेलको ८० औ मिनेटमा शक्ति राईले रुपन्देहीलाई अग्रता दिलाएका थिए ।

खेलको अन्तिम मिनेटमा उत्कृष्ट पुनरागमन गर्दै पाहुना टोलीले खेल बराबरीमा ल्यायो ।

जीतेन्द्र सिंहले गोल गर्दै खेल बराबरीमा ल्याए ।

ट्राइबेकरमा शक्ति राई र गौरव श्रेष्ठले गोल गर्न सफल भए । आशिष गुरुङ र अजित गुरुङ चुक्दा गोर्खा ब्वाइजको यात्रा प्रि–क्वाटरबाटै समाप्त भयो ।

पञ्जावका सरजित सिंह, जितेन्द्र सिंह, बलजित सिंह र अर्शदिप सिंहले जाली चुमाए । जीतसंगै पञ्जावले सेमीफाइनल प्रवेशका लागि ए डिभिजन लिग बिजेता मछिन्द्र क्लबसंग प्रतिस्पर्धा गर्नेछ ।

प्रतियोगिताको पहिलो क्वाटरफाइनल खेलमा शनिबार विराटनगर–११ र वेस्ट बङ्गाल बीच प्रतिस्पर्धा हुनेछ ।

उक्त खेल साँझ साँढे ६ बजे सुरु हुनेछ ।

विराटनगर प्रतियोगिताको उद्धघाटन खेलमा सिक्किम युनाइटेडलाई हराउँदै क्वाटरफाइनल प्रवेश गरेको थियो ।

आगामी वैशाख ४ गतेसम्म हुने प्रतियोगितामा नेपाली सात र विदेशी तीनवटा टिम छन् । विभागीय टोली नेपाल पुलिस क्लब र सशस्त्र प्रहरी बलको (एपीएफ)का साथै विराटनगर– ११, मछिन्द्र क्लब, गोर्खा ब्वाइज क्लब र संकटा रहेका छन् ।

विदेशी टिममा भारतको सिक्किम युनाइटेट फुटबल क्लब, पञ्जाब पुलिस तथा अफ्रिकन रुट्स एशोसिएसन क्यामरुनले सहभागिता जनाएका छन् ।

बिराट गोल्डकप फुटबल ट्रष्टको आयोजनामा जारी प्रतियोगिताको विजेताले उपाधिसहित १५ लाख १५ हजार हात पार्नेछ भने उपविजेताले ७ लाख ५१ हजार प्राप्त गर्नेछ । फाइनल खेल भने बैशाख ४ गते हुनेछ ।