आहा रारा - फाइनल पुग्न एपीएफ र संकटा भिड्दै

पोखरा । पोखरामा जारी १९ औ संस्करणको आहा रारा गोल्डकप फुटबलको पहिलो सेमिफाइनल खेल आज हुँदैछ ।

पोखरा रंगशालामा हुने पहिलो सेमिफाइनलमा विभागीय टिम एपीएफ क्लब र संकटा क्लबबीच प्रतिस्पर्धा हुनेछ ।

एपीएफ र संकटाबीचको खेल दिउँसो ३:०० बजे सुरु हुनेछ ।

आज दुई 'ए' डिभिजन क्लब जित निकाल्दै उपाधि नजिक पुग्न चाहन्छ ।

एपीएफले आयोजक सहारा क्लबलाई हराएर अन्तिम चारमा पुगेको हो ।

संकटाले भने मनाङ मर्स्याङ्दी क्लबलाई हराएर एपीएफसँगको भेट पक्का गरेको हो ।

प्रतियोगिताको विजेता टिमले नगद १० लाख १ हजार रुपैँया हात पार्नेछ । यस्तै उपविजेताले टिमले नगद ५ लाख १ हजार प्राप्त गर्ने आयोजकले जनाएको छ ।

व्यक्तिगत विधातर्फ सुर्य बहादुर केसी मेमोरियल उत्कृष्ट गोलकिपर, डिफेन्डर,मिडफिल्डर, स्ट्राइकर र प्रशिक्षकलाई जनही २५ हजार प्रदान गरिने आयोजकले जनाएको छ ।