काठमाडौं । थ्री नेसन्स कप फुटबल प्रतियोगिताको फाइनल खेलमा प्रधानमन्त्री केपी ओली प्रमुख अतिथीको रुपमा उपस्थित हुने भएका छन् ।
अखिल नेपाल फुटबल संघ (एन्फा)ले थ्री नेसन्स कप फाइनलमा प्रधानमन्त्री ओलीलाई प्रमुख अतिथीको रुपमा आमन्त्रण गरेको छ ।
एन्फाका अनुसार प्रधानमन्त्री ओली सोमबार हुने फाइनल खेलमा प्रमुख अतिथीको रुपमा दशरथ रंगशालामा उपस्थित हुने भएका छन् ।
थ्री नेसन्स कपको फाईनलमा आयोजक देश नेपाल र बंगलादेश भिड्दैछन् । तीन देश सहभागी बनेको प्रतियोगितामा किर्तिस्तानको टिम बाहिरिसकेको छ ।
नेपाल र बंगलादेश प्रतियोगिताको उपाधिका लागि सोमबार आमनेसामने हुँदैछन् ।
एन्फाले प्रधानमन्त्रीलाई प्रतियोगिताको समापन समारोहको मुख्य अतिथी बनाएको हो ।
शनिबार मात्र प्रतियोगिताको तेस्रो खेलमा पुर्व प्रधानमन्त्री एवंम एमाले वरिष्ठ नेता माधवकुमार नेपाल अतिथीको रुपमा दशरथ रंगशाला प्रवेश गरेका थिए ।
युवा तथा खेलकुद मन्त्रालय र राष्ट्रिय खेलकुद परिषद् (राखेप)ले १३ औं सागको उद्घाटन र समापनको दौरान प्रधानमन्त्रीलाई दशरथ रंगशालामा आमन्त्रण गर्न चाहेका थिए ।
तर प्रधानमन्त्रीको स्वास्थ्य प्रतिकुलताका कारण सो सम्भव भएको थिएन ।
सोमबार हुने फुटलबको फाइनल खेलमा भने प्रधानमन्त्रीलाई प्रमुख अतिथीको रुपमा आमन्त्रण गर्न सबै पक्षले जोड गरेका हुन् ।
