नेपालले बंगबन्धु गोल्डकप खेल्ने पक्का

काठमाडौं । नेपालले बंगबन्धु गोल्डकप खेल्ने पक्का भएको छ । बंगलादेश फुटबल फेडेरेशनले अघिल्लो संस्करणको बाँकी पुरस्कार रकम उपलब्ध गराउने भएपछि नेपालले बंगबन्धु खेल्ने तय भएको हो ।

नेपालले अघिल्लो संस्करणको पुरस्कार रकम आएपछि मात्र प्रतियोगिताको नयाँ संस्करणमा सहभागिता जनाउने बताएको थियो ।

बंगलादशेले आगामी २८ तारिकभित्र बाँकी पैसा एन्फाको खातामा हालिदिने प्रतिबद्धता जनाएको थियाे । 

प्रतियोगिता अगामी अक्टोबर १ देखि १२ सम्म बङ्गलादेशको राजधानी ढाकामा हुनेछ । नेपाल बङ्गबन्धु गोल्डपकको साविक विजेता टोली हो ।

दुई समुह रहेको प्रतियोगितामा नेपाल समुह ए मा परेको छ । नेपालको समुहमा प्यालेस्टाइन र ताजकिस्तान रहेका छन् ।