धनगढी । धनगढीमा आयोजना हुने चण्डिका ग्रुप लिटल फ्लावर प्रिमियर लिग (एलपीएल) क्रिकेटको उपाधि ट्रफी सार्वजनिक गरिएको छ ।
आयोजक लिटल फ्लावर स्पोटर्स एण्ड ईभेन्ट्सले शुक्रबार विजेताले प्राप्त गर्ने ट्रफी सार्वजनिक गरेको हो ।
संघीय प्रहरी इकाई कार्यालयको खेल मैदानमा प्रमुख अतिथि तथा धनगढी उप महानगरपालिकाका नगर प्रमुख नृप बहादुर बडले ट्रफी सार्वजनिक गरे ।
विद्यालय स्तरीय यू–१९ राष्ट्रिय क्रिकेट प्रतियोगिता भोलिबाट सुरु भई फागुन २९ गतेसम्म आयोजना हुनेछ ।
प्रतियोगितामा १६ टिमको सहभागिता रहेको छ । सहभागी टिमलाई ४ समूहमा विभाजन गरिएको छ ।
समूहको शीर्ष दुई टोलीले सेमिफाइनलमा स्थान बनाउने छन् ।
प्रतियोगिताको पहिलो खेलमा लिटल फ्लावर र विद्या भुषण भिड्ने छन् ।
विजेताले १ लाख २० हजार पाउने छन् ।
त्यस्तै उपविजेताले ६० हजार प्राप्त गर्दा सर्वोत्कृष्ट खेलाडीले १० हजार पाउने छन् ।
उत्कृष्ट ब्याट्सम्यान, बलर र उदयमान खेलाडीले ५/५ हजार पाउने छन् ।
म्यान अफ दि म्याचले १५ सय पाउने छन् ।
