१०० टेस्टको कोशेढुंगा पूरा गर्दै इशान्त

एजेन्सी । भारतीय बलर इशान्त शर्माले आज करियरको १०० औं टेस्ट पूरा गर्दै छन् ।

अहमदाबाद आज इंग्ल्यान्डविरुद्धको तेस्रो टेस्टमा मैदान उत्रदै शर्माले करियरको १०० औं टेस्ट पूरा गर्ने छन् ।

३२ वर्षे शर्मा १०० औं टेस्टको कोशेढुंगा पूरा गर्ने चौंथो भारतीय बलर हुने छन् ।

यस अघि अनिल कुम्बले, कपिल देव र हरभजन सिंहले १०० टेस्ट पूरा गरिसकेका छन् ।

शर्माले इंग्ल्यान्डविरुद्धको खेलमै ३ सय टेस्ट विकेटको कोशेढुंगा पूरा गरेका थिए ।

सरदार पटेल स्टेडियममा भारत र इंग्ल्यान्डबीचको तेस्रो टेस्ट सुरु हुनेछ । टेस्ट अपरान्ह २:४५ बजे सुरु हुनेछ ।

दुई टिमबीचको चार खेलको टेस्ट १-१ को बराबरीमा रहेको छ ।