न्युजिल्याण्डसँग अष्ट्रेलिया पराजित

एजेन्सी । घरेलु टिम न्युजिल्याण्डले पहिलो टी-ट्वान्टी क्रिकेटमा अष्ट्रेलियालाई पराजित गरेको छ ।

क्राइस्टचर्चमा सोमबार भएको खेलमा न्युजिल्याण्डले अष्ट्रेलियालाई ५३ रनले हराएको हो ।

न्युजिल्याण्डले दिएको १ सय ८५ रनको लक्ष्यसहित जवाफी ब्याटिङ गरेको अष्ट्रेलियाले १७ ओभर ३ बलमा अलआउट हुँदै १ सय ३१ रन मात्र बनाउन सक्यो ।

अष्ट्रेलियाका लागि मिचेल मार्शले सर्वाधिक ४५ रन बनाए । यस्तै एस्टन अगरले २३ रन जोड्दा एडम जाम्पाले अविजित १३ रन बनाए ।

न्युजिल्याण्डका इश सोधीले ४ विकेट लिए । टिम साउथी र ट्रेण्ड बोल्टले २/२ विकेट लिए ।

यस अघि टस हारेर पहिले ब्याटिङ गरेको न्युजिल्याण्डले २० ओभरमा ५ विकेट गुमाएर १ सय ८४ रन बनाएको थियो।

न्युजिल्याण्डका लागि डेभोन कोनवेले अर्धशतकीय इनिङ्स खेले । उनले अविजित रहदै ९९ रन बनाए ।

यस्तै ग्लेन फिलिप्सले ३० रन जोड्दा जेम्स निशमले २६ रन बनाए ।

कप्तान केन विलियम्सनले १२ रनमा आउट भए ।

अष्ट्रेलियाका डेनील साम र जे रिचार्डसनले २/२ विकेट लिए ।

जितसँगै पाँच खेलको सिरिजमा न्युजिल्याण्डले १-० को अग्रता बनाएको छ ।

घरेलु टिमसँगको सिरिजका लागि अष्ट्रेलिया न्युजिल्याण्ड भ्रमणमा रहेको छ ।